Norræni fjárfestingarbankinn (NIB)

NIB er alþjóðleg fjármálastofnun í eigu Danmerkur, Eistlands, Finnlands, Íslands, Lettlands, Litháens, Noregs og Svíþjóðar.  

Markmið Norræna fjárfestingabankans er að stuðla að velmegun og sjálfbærni á Norðurlöndum og í Eystrasaltsríkjunum. Bankinn fjármagnar verkefni sem styrkja samkeppnishæfni, sjálfbærni og viðnámsþrótt á Norðurlöndum og Eystrasaltssvæðinu. 

Bankinn býður viðskiptavinum sínum í einkageiranum sem og opinberum aðilum langtímalán og ábyrgðir á markaðskjörum. Verkefni sem til greina kemur að fjármagna eru metin með sjálfbærni í huga. 

Norræni fjárfestingabankinn aflar fjármagns á alþjóðlegum fjármálamörkuðum til að fjármagna útlánastarfsemi sína. Skuldabréf bankans hafa hæstu mögulegu lánshæfiseinkunn. 

NIB styrkir svæðisbundna samkeppnishæfni með því að fjármagna:  

• nýsköpun og tækniframfarir
• innviði
• mannauð og jöfn félags- og efnahagsleg tækifæri
• skilvirkni markaðarins og viðskiptaumhverfi

Fjármögnun NIB á sviði sjálfbærni beinist að: 

• mótvægisaðgerðum og aðlögun að loftslagsbreytingum
• sjálfbærri nýtingu og vernd vatnsauðlinda
• umskiptum yfir í hringrásarhagkerfi
• mengunarvörnum
• endurheimt líffræðilegrar fjölbreytni og vistkerfa

NIB styður viðnámsþrótt svæðisins með því að fjármagna: 

• mikilvæga innviði og orkuöryggi
• aðfangakeðjur með góðan viðnámsþrótt og öruggt aðgengi að auðlindum
• varnar- og öryggisgetu
• geim- og netöryggi